【最新 OLED 電競螢幕 2024 選購攻略】多款型號現貨發售！

最新 2024 OLED 電競顯示螢幕型號推介，一文睇曬多款現貨發售嘅熱門旗艦 OLED 電競螢幕型號款式！

今期對於 OLED 電競螢幕嘅熱門話題，當然唔少得話題性最高嘅 OLED 螢幕尺寸 — 最完美嘅 34 吋 OLED、32 吋 OLED 同埋性價比最高嘅 27 吋 OLED。

唔同嘅 OLED Monitor 尺寸搭配 4K UHD 畫面解析度以及 Quantum Dot 量子點技術，將螢幕畫面呈現出更豔麗更鮮明嘅色彩，帶畀所有用家有個更良好嘅 QD-OLED 體驗！

無論係平面款式 OLED 螢幕，定係曲面款式 OLED 螢幕，唔同款式嘅螢幕尺寸以及規格配置都喺飛馬網店有售。

多款熱門電競品牌 OLED 螢幕都以現貨發售中！部份旗艦款式型號 OLED 電競螢幕已經公開預訂發售，想入手嘅客人千祈唔好錯過今次嘅機會！

OLED 對比傳統面板優勢

OLED (Organic Light Emitting Diode) 相比起傳統面板 (泛指LCD液晶顯示器) 喺對比度、黑色呈現、色彩表現以及觀賞角度四大方面會有更大嘅優勢。事關 OLED 同 傳統面板 屬於兩種唔同嘅顯示技術，工作原理以及所呈現嘅影像質素兩者之間存在比較大嘅差異。

喺發光技術方面，傳統 LCD 面板 係透過液晶細胞嚟控制光嘅通過。佢哋需要位於液晶顯示器背後嘅背光源 (BackLight) 嚟提供光源，並利用液晶層控制光嘅透過同埋阻擋。從而衍生一定程度嘅光漏問題存在。另一方面，OLED 面板 每個 OLED 像素 (Pixel) 都係由有機材料所組成，每個像素都會獨立發光，每當通電嘅時侯，每個獨立像素就會各自發光。所以，OLED 係唔需要用到以上所提及嘅背光源，而又可以精確控制到每個單獨嘅像素。從而提供到更深嘅黑色、更高嘅對比度以及無局限嘅可視角度。

總括而言，兩者之間透過喺工作原理發光技術層面到已經做到所呈現嘅影像質素有所不同，OLED 面板 相比起 傳統面板 可以呈現出更高嘅色彩對比度以及更鮮豔嘅色彩表現之餘，黑色畫面呈現出更真實嘅黑色，反應速度會更快從而影像細節會更豐富，所顯示嘅色彩會更生動。

OLED 必定會消印嗎?

每當講起 OLED 螢幕，大家都會比較關心燒屏 / 殘影現象 / 烙印 / Burn-in 等等相關嘅問題。所以，點先可以將出現所提及嘅問題風險減至最低？大部份嘅螢幕廠商都會提供返螢幕保養設定而減少出現 Burn-in 問題嘅做法，例如根據指引步驟切換螢幕嘅指令選項，從而減低問題發生嘅風險。同時間，大部份品牌都會提供一定年份嘅 OLED 螢幕保養，令廣大嘅消費者有一個更安心嘅保障。

喺近年嚟，開始有個別嘅品牌會喺 OLED 螢幕內加設獨立嘅保護機制或者維護 OLED Burn-in 嘅工具。例如 MSI 微星就為此推出 MSI OLED CARE 維護螢幕工具喺旗下個別嘅 OLED 螢幕型號入面，相關嘅工具就會就住像素偏移、面板保護以及靜態螢幕偵測呢三個方面而去做出防止所提及到嘅行為發生。

因此，使用者自己除咗可以根據返廠商所提供嘅螢幕保養做法去減低 Burn-in 情況出現，廠商亦會提供返一定年份嘅保養以及相關嘅內置工具去將 Burn-in 問題風險減到最低。

ROG / ASUS 華碩